Fonda ianə edən hüquqi və fiziki şəxslərin siyahısı

İşğaldan azad edilən ərazilərimizin bərpası, yenidən qurulması, dayanıqlı iqtisadiyyata və yüksək rifaha malik regiona çevrilməsi prosesinin sürətləndirilməsi üçün cəmiyyətin hər bir üzvünün dəstək göstərməsi olduqca vacibdir.

Bu məqsədlə, Fond tərəfindən ianəçilik mədəniyyətinin təbliği və iştirakçılığın təmin olunması məqsədilə mütəmadi olaraq biznes nümayəndələri, dövlət qurumları, vətəndaş cəmiyyəti institutları ilə görüşlər keçirilir. Fond yarandığı gündən etibarən minlərlə fiziki və hüquqi şəxs Qarabağda bərpa və yenidənqurma işlərinə töhfə vermək məqsədilə Fonda ianə edib. Bu təcrübə Qarabağın bərpası və yenidən qurulması prosesində həmrəyliyin əsas təzahürüdür.

Bu bölmədə Qarabağ Dirçəliş Fonduna ianə edən fiziki və hüquqi şəxslərin siyahısı ilə tanış olmaq mümkündür. İanə edərək Qarabağın bərpası kimi mühüm missiyanın iştirakçısına çevrilən bütün ianəçilərə dərin təşəkkürümüzü bildiririk.