İdeya müəllifi Azərbaycan Respublikasının Birinci vitse-prezidenti hörmətli Mehriban xanım Əliyevanın olduğu “Karabakh.Center” internet-resursu Ermənistan- Azərbaycan münaqişəsinin səbəbləri və Ermənistanın təcavüzünün nəticələri barədə obyektiv məlumatların sistemləşdirilməsi və geniş ictimaiyyətə çatdırılması məqsədilə yaradılıb. “Qarabağda Urbisid” bölməsi internet-resursunun əsas vacib hissəsini təşkil edir.  "Urbisid" termini Latın dilindən "şəhərə qarşı zorakılıq" mənasını ifadə edir. Bu bölmədə erməni işğalı nəticəsində Qarabağa dəyən zərər foto-sübutlarla əks olunub. Qeyd olunmalıdır ki, “Urbisid” bölməsinin fotoları əsasında mütəmadi olaraq müxtəlif platformalarda zərərin miqyasını əks etdirən “Qarabağda Urbisid” fotosərgiləri təşkil olunur.