“Dirçəliş Kuboku” xeyriyyə futbol turniri

• Turnirin rəsmi veb-saytı: Revivalcup.az
• Tarix: 2024-cü ilin sentyabr – 2025-ci ilin yanvar ayları
• Təşkilatçı: Qarabağ Dirçəliş Fondu
• Partnyor: Azərbaycan Futbol Federasiyaları Assosiasiyası (AFFA)
• Baş Sponsor:  Veysəloğlu Şirkətlər Qrupu
• Tərəfdaş: “Azərlotereya” ASC
• İnformasiya dəstəyi: “CBC Sport” telekanalı

Turnirlə bağlı edilən ümumi ianə məbləği: 141.000 AZN (Veysəloğlu Şirkətlər Qrupu – 50.000 AZN, “Azərlotereya” ASC – 40.000 AZN, turnirdə iştirak edən şirkətlər (34 şirkətin hər biri 1500 AZN olmaqla) – 51.000 AZN).

Turnirdə iştirak edən komandalar:

“Kontakt”, “Azərlotereya”, “Caspian Entertainment”, UMICO, “Agrofood Investment FK”, “ARAZ Logistika”, “Avrora”, AZAL, “Baku Steel Company”, “Caspel”, “MTK Wolves”, “Soliton FK”, “Media Team” (“Huner Group”un dəstəyi ilə) , “Səhiyyə Nazirliyi AEM”, “OBA Market”, “Advokat”, “SOCAR GIPRO”, “Tamstore Tornado FK”, TƏBİB, “Veysəloğlu Distribusiya”, “Veysəloğlu Mərkəz”, “Zeytun Pharmaceuticals”, “Digital Umbrella”, “Azərbaycan Dövlət Su Ehtiyatları”, SGS, “Milli Məclis”, “Global Energy Solutions”, “Kristal Abşeron”, SOCAR, “SOCAR Midstream”, “İqtisadiyyat Nazirliyi”, “Azərbaycan Dəmir Yolları”, “Azərpoçt”, “Azərşəkər”, “Azintelekom”, “Design Bureau”, “İnnovasiya və Rəqəmsal İnkişaf Agentliyi”, “PAŞA İnşaat”, “SOCAR Polymer”, “Sumqayıt Texnologiyalar Parkı”.

Ümumi məlumat:

Azərbaycanda futbolsevərləri bir araya gətirəcək yeni xeyriyyə futbol turnirinə start verilib.

Turnir Qarabağ Dirçəliş Fondunun (QDF) təşəbbüsü və təşkilatçılığı, Azərbaycan Futbol Federasiyaları Assosiasiyasının (AFFA) dəstəyi, Veysəloğlu Şirkətlər Qrupunun baş sponsorluğu, “Azərlotereya” ASC-nin tərəfdaşlığı və “CBC Sport” telekanalının informasiya dəstəyi ilə keçirilir.

Turnirin keçirilməsində məqsəd işğaldan azad edilmiş ərazilərdə aparılan bərpa və yenidənqurma işlərinə dəstək olmaq məqsədi ilə ianələrin cəlb olunması, ümumilikdə insanlar arasında ianə mədəniyyətinin təşviq edilməsi, eyni zamanda sağlam həyat tərzinin təbliğ olunmasıdır.

Oyunlar "Royal Park" ərazisində yerləşən “Sportster” minifutbol kompleksində keçirilir.

Turnirin reqlamentinə əsasən, qalib adı uğrunda mübarizədə 40 komanda iştirak edir.

3 ay davam edəcək turnirdə ilk 3 yeri tutan komandaların futbolçuları və baş məşqçiləri müvafiq olaraq qızıl, gümüş və bürünc medal və xüsusi mükafatlarla təltif ediləcəklər. Bundan başqa turnirin ən yaxşı qapıçısı, bombardiri və ən yaxşı oyunçusuna (MVP) əlavə olaraq xüsusi mükafatlar veriləcək.

Turnirin reqlamenti ilə daha ətraflı burada tanış olmaq, qeydiyyatla bağlı müraciət üçün isə bu linkə keçid etmək mümkündür.

Qeyd: Turnirin keçirilməsindən əldə olunacaq vəsait Qarabağ Dirçəliş Fondunun sifarişi ilə işğaldan azad edilmiş Füzuli şəhərində salınacaq Füzuli Mərkəzi Parkının ərazisində idman meydançalarının tikintisinə yönəldiləcək.

Beləliklə, komandalar turnirdə iştirak etməklə yanaşı, həm də Qarabağın bərpasına töhfə vermiş olacaqlar.